باختصار.. إيه هي إي-مخالفة؟
إي-مخالفة هي مبادرة شعبية لمراقبة سلوك السواقين -سواء الملاكي أو الأجرة أو الخدمات الخاصة- في مصر والإبلاغ عن مخالفاتهم باستخدام وسائل التكنولوجيا الحديثة.. وشعارنا هو ”مع بعض هنحقق سكة السلامة“..
إي-مخالفة هي مبادرة شعبية لمراقبة سلوك السواقين -سواء الملاكي أو الأجرة أو الخدمات الخاصة- في مصر والإبلاغ عن مخالفاتهم باستخدام وسائل التكنولوجيا الحديثة.. وشعارنا هو ”مع بعض هنحقق سكة السلامة“..
طلع موبايلك وبلغنا بنمرة عربية صاحب المخالفة وتفاصيلها عن طريق أبيلكاشن إي-مخالفة أو صفحة الفايسبوك أو أكاونت تويتر أو الخط الساخن (هتلاقي عناوين كل ده في صفحة "اتصل بينا" فوق عالشمال).
هيتحط على الموقع وأي حد ممكن يدخل يدوّر على رقم عربية معينة ويشوف لو فيه شكاوي منها.
لأ، ممكن تبلغ عن أي مخالفة شفتها حصلت قدامك حتى لو انتا مش طرف فيها طالما عرفت تجيب رغم العربية.
خالص، ممكن أصلاً تختار إن اسمك ميظهرش للي بيقرا البلاغ على الموقع.
إي-مخالفة هيساعدك على تقييم أداء السواقين اللي بيشتغلوا عندك وإنك تعرف مين فيهم اللي ممكن يضر بسمعة الشركة بالمخالفات المرورية أو بيسوق بطريقة خطيرة ممكن تهدد حياة ناس أو تبوظ اللي بيسوقه.
شعورك بالأمان على نفسك وعيلتك وأن المجتمع كله حريص على إنه يبلغ عن أي مشكلة بتحصللك زي حرصك عليه، وكمان إنك تقدر تبلغ عن الغلط من غير خوف إن حد يإذيك أو يستقصدك بوسيلة سهلة وسريعة ومش مكلفة تخلليك جزء مهم من التغيير والإصلاح.
تخيل لو صاحب المدرسة أو الجامعة دخل ولقى إن سواق أوتوبيس من أوتوبيساتها متقدم فيه كذا شكوى إنه بيبلطج في السواقة وبيسوق بطريقة فيها خطر على حياة اللي سايق بيهم.. مش ده هيخلليه يخاف على سمعته ويظبط السواق ده قبل ما حد من أولياء الأمور يشوف المخالفات دي وييجي يعملّه مشكلة؟
تخيل لو فيه رقم عربية كل يوم تيجي منه شكوى على الموقع وبقى في قايمة أعلى الشكاوي لغاية ما الناس حفظته وبقى السواق يلاقي ناس من أهله أو حتى ناس متعرفوش بتلومه وهو سايق في الشارع على مخالفات عمره ما كان يتخيل إنهم يعرفوها عنه.. مش ده ممكن يعمل ضغطً اجتماعي على المخالفين في كل مكان ويخلليهم حاسين إن الشعب كله عينه عليهم مش الحكومة بس؟